ಭಾವಪೂರ್ಣ ಶ್ರದ್ಧಾಂಜಲಿ

NEW DELHI :  ಕೇಂದ್ರ ಶಿಕ್ಷಣ ಸಚಿವರಾದ ಶ್ರೀ ಧರ್ಮೇಂದ್ರ ಪ್ರಧಾನ್‌ (Dharmendra Pradhan) ಅವರು ಇಂದು ನವದೆಹಲಿಯಲ್ಲಿ ವಿಕಸಿತ ಭಾರತ್‌ (Vikasith Bharath) ಬಿಲ್ಡಥಾನ್‌ (ವಿ.ಬಿ.ಬಿ) 2025ಅನ್ನು ಉದ್ಘಾಟಿಸಿದರು. ಶಾಲಾ ವಿದ್ಯಾರ್ಥಿಗಳಿಗಾಗಿ ಭಾರತದ ಅತಿದೊಡ್ಡ ಹೊಂದಾಣಿಕೆಯ ನಾವೀನ್ಯತೆಯ ಹ್ಯಾಕಥಾನ್‌ ವಿಕಸಿತ ಭಾರತ್‌ ಬಿಲ್ಡಥಾನ್‌ 2025ರಲ್ಲಿ3 ಲಕ್ಷಕ್ಕೂ ಹೆಚ್ಚು ಶಾಲೆಗಳು ಏಕಕಾಲದಲ್ಲಿ ಭಾಗವಹಿಸಿದ್ದವು. ಉದ್ಘಾಟನಾ ಅಧಿವೇಶನದಲ್ಲಿ ಸಚಿವರು ಒಡಿಶಾದ ಭುವನೇಶ್ವರದ ಖೋರ್ಡಾದಲ್ಲಿರುವ ಪಿ.ಎಂ. ಶ್ರೀ ಸರ್ಕಾರಿ ಪ್ರೌಢಶಾಲೆಯ (Govt. High School Students) ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದರು.

ಈ ಮೆಗಾ ಸ್ಕೂಲ್‌ ಇನ್ನೋವೇಶನ್‌ ಉಪಕ್ರಮದಲ್ಲಿ ಉತ್ಸಾಹದಿಂದ ಭಾಗವಹಿಸಿದ್ದಕ್ಕಾಗಿ ಭಾರತದಾದ್ಯಂತದ 3 ಲಕ್ಷಕ್ಕೂ ಅಧಿಕ ಶಾಲೆಗಳು ಮತ್ತು ಭಾಗವಹಿಸುವ ವಿದ್ಯಾರ್ಥಿಗಳನ್ನು ಶ್ರೀ ಪ್ರಧಾನ್‌ ಅಭಿನಂದಿಸಿದರು. ಇಲ್ಲಿಂದ ಮೊಳಕೆಯೊಡೆದ ನವೀನ ಆಲೋಚನೆಗಳು ಹೊಸ ಜಾಗತಿಕ ಮಾದರಿಗಳನ್ನು ರಚಿಸಲು ಮತ್ತು ದೇಶೀಯ ಮತ್ತು ಜಾಗತಿಕ ಸವಾಲುಗಳಿಗೆ ಪರಿಹಾರಗಳನ್ನು ಕಂಡುಹಿಡಿಯಲು ದಾರಿ ಮಾಡಿಕೊಡುತ್ತವೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು. ನಮ್ಮ ಪ್ರತಿಭಾವಂತ ಶಾಲಾ ವಿದ್ಯಾರ್ಥಿಗಳ ಹೆಗಲ ಮೇಲೆ ವಿಕಸಿತ ಮತ್ತು ಸಮೃದ್ಧ ಭಾರತವನ್ನು ನಿರ್ಮಿಸಲಾಗುವುದು ಎಂದು ಸಚಿವರು ಹೇಳಿದರು. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ 2047 ರ ವೇಳೆಗೆ ಅಭಿವೃದ್ಧಿ ಹೊಂದಿದ ಭಾರತದ ದೃಷ್ಟಿಕೋನವು ವಿಬಿಬಿಯಂತಹ ಪರಿವರ್ತನಾತ್ಮಕ ಪ್ರಯತ್ನಗಳ ಮೂಲಕ ಸಾಕಾರಗೊಳ್ಳಲಿದೆ ಎಂದು ಅವರು ಒತ್ತಿ ಹೇಳಿದರು ಮತ್ತು ರಾಷ್ಟ್ರದ ಭವಿಷ್ಯವನ್ನು ರೂಪಿಸುವಲ್ಲಿ ವಿದ್ಯಾರ್ಥಿಗಳು ಸಕ್ರಿಯ ಪಾತ್ರ ವಹಿಸಬೇಕು ಎಂದು ಒತ್ತಾಯಿಸಿದರು.

ಶಿಕ್ಷ ಣ ಸಚಿವಾಲಯದ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯ ಕಾರ್ಯದರ್ಶಿ ಶ್ರೀ ಸಂಜಯ್‌ ಕುಮಾರ್‌ ಅವರು ತಮ್ಮ ಭಾಷಣದಲ್ಲಿ, ಈ ಉಪಕ್ರಮದಲ್ಲಿ ದೇಶಾದ್ಯಂತದ ವಿದ್ಯಾರ್ಥಿಗಳ ಭಾಗವಹಿಸುವಿಕೆ ಮತ್ತು ಪ್ರಯತ್ನಗಳನ್ನು ಶ್ಲಾಘಿಸಿದರು. ಈ ರೀತಿಯ ಆಂದೋಲನವು ಕಲಿಕೆಯ ಸಾಮರ್ಥ್ಯ‌ವನ್ನು ಹೆಚ್ಚಿಸುತ್ತದೆ ಮತ್ತು ವಿದ್ಯಾರ್ಥಿಗಳ ನವೀನ ವಿಧಾನವನ್ನು ಬಲಪಡಿಸುತ್ತದೆ ಎಂದು ಶ್ರೀ ಕುಮಾರ್‌ ಪ್ರತಿಪಾದಿಸಿದರು. ಕೇಂದ್ರ ಶಿಕ್ಷಣ ಸಚಿವರಾದ ಶ್ರೀ ಧರ್ಮೇಂದ್ರ ಪ್ರಧಾನ್‌ ಅವರ ಮಾರ್ಗದರ್ಶನ ಮತ್ತು ಬೆಂಬಲಕ್ಕಾಗಿ ಶ್ರೀ ಕುಮಾರ್‌ ಅವರಿಗೆ ಧನ್ಯವಾದ ಅರ್ಪಿಸಿದರು.

ಅಟಲ್‌ ಇನ್ನೋವೇಶನ್‌ ಮಿಷನ್‌ನ ಮಿಷನ್‌ ನಿರ್ದೇಶಕ ಶ್ರೀ ದೀಪಕ್‌ ಬಾಗ್ಲಾಅವರು ವಿ.ಬಿ.ಬಿಯ ಹೆಚ್ಚುತ್ತಿರುವ ಮಹತ್ವವನ್ನು ಒತ್ತಿಹೇಳಿದರು ಮತ್ತು ಬಿಲ್ಡಥಾನ್‌ ನಾವೀನ್ಯತೆಯನ್ನು ಜನಾಂದೋಲನವನ್ನಾಗಿ ಮಾಡುತ್ತದೆ, ದೂರದ ಹಳ್ಳಿಗಳಲ್ಲಿನ ಶಾಲೆಗಳನ್ನು ಜನನಿಬಿಡ ಮಹಾನಗರಗಳಿಗೆ ಸಂಪರ್ಕಿಸುತ್ತದೆ ಎಂದು ಹೇಳಿದರು.

ಶ್ರೀ ಧರ್ಮೇಂದ್ರ ಪ್ರಧಾನ್‌ ಅವರು ವಿದ್ಯಾರ್ಥಿಗಳು ಮತ್ತು ಶಿಕ್ಷಕರೊಂದಿಗೆ ಸಂವಾದ ನಡೆಸಲು ದೆಹಲಿ ಪಬ್ಲಿಕ್‌ ಸ್ಕೂಲ್‌, ಮಥುರಾ ರಸ್ತೆ ಮತ್ತು ದೆಹಲಿ ಕಂಟೋನ್ಮೆಂಟ್‌ನ ಪಿ.ಎಂ. ಶ್ರೀ ಕೇಂದ್ರೀಯ ವಿದ್ಯಾಲಯ ಸಂಖ್ಯೆ 2ಕ್ಕೆ ಭೇಟಿ ನೀಡಿದರು. ಶ್ರೀ ಪ್ರಧಾನ್‌ ಅವರು ಹಲವಾರು ನವೀನ ವಿದ್ಯಾರ್ಥಿ ಯೋಜನೆಗಳನ್ನು ಗಮನಿಸಿದರು ಮತ್ತು ಅವರ ಕಲಿಕೆಯ ಪ್ರಕ್ರಿಯೆಗಳ ಒಳನೋಟಗಳನ್ನು ಪಡೆದರು. ಅವರ ಸೃಜನಶೀಲತೆ ಮತ್ತು ಉತ್ಸಾಹವನ್ನು ಶ್ಲಾಘಿಸಿದ ಅವರು, ಜಿಜ್ಞಾಸೆಯಿಂದ ಇರುವಂತೆ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದರು ಮತ್ತು ಆತ್ಮನಿರ್ಭರ ಭಾರತದ ಗುರಿಯತ್ತ ಸಕ್ರಿಯವಾಗಿ ಕೊಡುಗೆ ನೀಡುವ ಅವರ ಅಸಾಧಾರಣ ಸೃಜನಶೀಲತೆಯನ್ನು ಶ್ಲಾಘಿಸಿದರು.

ಉದ್ಘಾಟನಾ ಅಧಿವೇಶನದ ನಂತರ 120 ನಿಮಿಷಗಳ ಲೈವ್‌(ನೇರ) ಇನ್ನೋವೇಶನ್‌ ಚಾಲೆಂಜ್‌ ನಡೆಯಿತು. 1 ಕೋಟಿಗೂ ಹೆಚ್ಚು ವಿದ್ಯಾರ್ಥಿಗಳು ಎರಡು ಗಂಟೆಗಳ ಸುದೀರ್ಘ ಲೈವ್‌ ಟಿಂಕರಿಂಗ್‌ ಅಧಿವೇಶನದಲ್ಲಿ ಭಾಗವಹಿಸಿದ್ದರು, ಇದರಲ್ಲಿ6 ರಿಂದ 12 ನೇ ತರಗತಿಯ ವಿದ್ಯಾರ್ಥಿಗಳು ಆತ್ಮನಿರ್ಭರ ಭಾರತ್‌, ಸ್ವದೇಶಿ, ವೋಕಲ್‌ ಫಾರ್‌ ಲೋಕಲ್‌ ಮತ್ತು ಸಮೃದ್ಧಿ ಎಂಬ ನಾಲ್ಕು ವಿಷಯಗಳ ಸುತ್ತ ಮೂಲಮಾದರಿಗಳನ್ನು ರೂಪಿಸಲು 3-5 ರ ತಂಡಗಳಲ್ಲಿಕೆಲಸ ಮಾಡಿದರು. ಈ ಕಾರ್ಯಕ್ರಮದ ವಿಶೇಷ ಆಕರ್ಷಣೆಯೆಂದರೆ ಸ್ಕೂಲ್‌ ಸ್ಪಾಟ್‌ ಲೈಟ್‌ಗಳು, ಅಲ್ಲಿದೂರದ ಪ್ರದೇಶಗಳು, ಮಹತ್ವಾಕಾಂಕ್ಷೆಯ ಜಿಲ್ಲೆಗಳು, ಗುಡ್ಡಗಾಡು ರಾಜ್ಯಗಳು ಮತ್ತು ಗಡಿ ಪ್ರದೇಶಗಳಿಂದ 150ಕ್ಕೂ ಹೆಚ್ಚು ಶಾಲೆಗಳು ತಮ್ಮ ಪ್ರಗತಿ ಮತ್ತು ಅನುಭವಗಳನ್ನು ಹಂಚಿಕೊಳ್ಳಲು ನೇರವಾಗಿ ಸಂಪರ್ಕ ಹೊಂದಿದ್ದವು.

ನೋಂದಾಯಿಸಲಾದ ಶಾಲೆಗಳ ವಿವರಗಳು (ರಾಜ್ಯ/ಕೇಂದ್ರಾಡಳಿತ ಪ್ರದೇಶವಾರು)

1    ಅಂಡಮಾನ್‌ ಮತ್ತು ನಿಕೋಬಾರ್‌ ದ್ವೀಪಗಳು                                  171

2    ಆಂಧ್ರಪ್ರದೇಶ                                                                                     3980

3    ಅರುಣಾಚಲ ಪ್ರದೇಶ                                                                         206

4    ಅಸ್ಸಾಂ                                                                                                15656

5    ಬಿಹಾರ                                                                                                15732

6    ಚಂಡೀಗಢ                                                                                           269

7    ಛತ್ತೀಸ್‌ ಗಢ                                                                                          8363

8    ದೆಹಲಿ                                                                                                   4033

9     ಗೋವಾ                                                                                                194

10    ಗುಜರಾತ್‌                                                                                            20017

11    ಹರಿಯಾಣ                                                                                           11567

12    ಹಿಮಾಚಲ ಪ್ರದೇಶ                                                                             4575

13    ಜಮ್ಮು ಮತ್ತು ಕಾಶ್ಮೀರ                                                                         4754

14    ಜಾರ್ಖಂಡ್‌                                                                                            9779

15    ಕರ್ನಾಟಕ                                                                                              10248

16    ಕೇರಳ                                                                                                     4640

17    ಲಡಾಖ್‌                                                                                                  358

18    ಲಕ್ಷ ದ್ವೀಪ                                                                                               9

19    ಮಧ್ಯಪ್ರದೇಶ                                                                                          18129

20    ಮಹಾರಾಷ್ಟ್ರ                                                                                          41198

21    ಮಣಿಪುರ                                                                                                 896

22    ಮೇಘಾಲಯ                                                                                           544

23    ಮಿಜೋರಾಂ                                                                                           835

24    ನಾಗಾಲ್ಯಾಂಡ್‌                                                                                         926

25    ಒಡಿಶಾ                                                                                                      12344

26    ಪುದುಚೇರಿ                                                                                                 149

27    ಪಂಜಾಬ್‌                                                                                                   5725

28    ರಾಜಸ್ಥಾನ                                                                                                  6310

29    ಸಿಕ್ಕಿಂ                                                                                                           338

30    ತಮಿಳುನಾಡು                                                                                            16370

31    ತೆಲಂಗಾಣ                                                                                                   2724

32    ದಾದ್ರಾ ಮತ್ತು ನಗರ್‌ ಹವೇಲಿ ಮತ್ತು ದಮನ್‌ ಮತ್ತು ದಿಯು                  235

33    ತ್ರಿಪುರಾ                                                                                                        2299

34    ಉತ್ತರ ಪ್ರದೇಶ                                                                                             78206

35    ಉತ್ತರಾಖಂಡ                                                                                              2473

36    ಪಶ್ಚಿಮ ಬಂಗಾಳ                                                                                         1216