ಭಾವಪೂರ್ಣ ಶ್ರದ್ಧಾಂಜಲಿ

 ಆಬೂರೋಡ್ (ರಾಜಸ್ಥಾನ): ಬ್ರಹ್ಮಾ ಕುಮಾರಿ ಸಂಸ್ಥೆಯ ಅಂತರಾಷ್ಟ್ರೀಯ ಮುಖ್ಯಾಲಯ ಶಾಂತಿವನದಲ್ಲಿ ಶುಕ್ರವಾರದಿಂದ ಜಾಗತಿಕ ಶಿಖರ ಸಮ್ಮೇಳನಕ್ಕೆ ಚಾಲನೆ ದೊರೆಯಿತು. ಭಾರತ, ಚೀನಾ, ಜರ್ಮನಿ, ನೇಪಾಳ, ಥಾಯ್ಲ್ಯಾಂಡ್ ಹಾಗೂ ಮಲೇಶಿಯಾ ದೇಶಗಳಿಂದ ಅಗ್ರ ಗಣ್ಯರು ಈ ಸಮ್ಮೇಳನದಲ್ಲಿ ಭಾಗಿಯಾಗಿದ್ದಾರೆ. “ಏಕತೆ ಮತ್ತು ವಿಶ್ವಾಸ – ಆದರ್ಶ ಭವಿಷ್ಯಕ್ಕಾಗಿ ಪ್ರೇರಣೆ” ಎಂಬ ವಿಷಯದಡಿ ಆಯೋಜಿಸಲಾದ ಆರ್ಥಿಕ ಮತ್ತು ಪರಿಸರ ಹಿತಾಸಕ್ತಿಗಳ ಸಮತೋಲನ ಕುರಿತು ನಡೆದ ಸ್ವಾಗತ ಸ ಹಾಗೂ ಮಾಧ್ಯಮ ಕ್ಷೇತ್ರದ ತಜ್ಞರು ಚಿಂತನೆ ಮತ್ತು ಮಂಥನ ನಡೆಸಲಿದ್ದಾರೆ.

 ಆರ್ಥಿಕ ಮತ್ತು ಪರಿಸರ ಹಿತಾಸಕ್ತಿಗಳ ಸಮತೋಲನ ಕುರಿತು ನಡೆದ ಸ್ವಾಗತ ಸತ್ರದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ ಕರ್ನಾಟಕ ಶಿವಾಮೋಗಾ ಲೋಕಸಭಾ ಸಂಸದ ಬಿ.ವೈ. ರಾಘವೇಂದ್ರ ಅವರು, “ಪರಿಸರವನ್ನು ಸಮತೋಲನದಲ್ಲಿಟ್ಟುಕೊಳ್ಳುವುದು ಇಂದು ದೊಡ್ಡ ಸವಾಲು, ಆದರೆ ನಮ್ಮೆಲ್ಲರ ಸಂಯುಕ್ತ ಪ್ರಯತ್ನದಿಂದ ಇದು ಸಾಧ್ಯ,” ಎಂದರು. “ಪರಿಸರ ರಕ್ಷಣೆಯು ಪ್ರತಿಯೊಬ್ಬರ ಜವಾಬ್ದಾರಿ. ಬ್ರಹ್ಮಕುಮಾರಿ ಸಂಸ್ಥೆ ರಾಜಯೋಗ ಧ್ಯಾನದ ಮೂಲಕ ಜನರ ಜೀವನದಲ್ಲಿ ಶಾಂತಿಯ ವಾತಾವರಣವನ್ನು ತರಲು ಯಶಸ್ವಿಯಾಗಿದೆ. ನಾನು ಇಂದು ಮೌಂಟ್ಆ ಬೂನಲ್ಲಿನ ಜ್ಞಾನ ಸರೋವರ, ಪೀಸ್ ಪಾರ್ಕ್, ಪಾಂಡವ ಭವನ ಹಾಗೂ ತಪೋವನ ಪ್ರದೇಶಗಳನ್ನು ವೀಕ್ಷಿಸಿದೆ — ಇವುಗಳು ಪರಿಸರ ಸಂರಕ್ಷಣೆಯ ಅಪೂರ್ವ ಮಾದರಿಗಳಾಗಿವೆ,” ಎಂದರು.

 ಕರ್ನಾಟಕದ ಅಬಕಾರಿ ಸಚಿವ ಆರ್.ಬಿ. ತಿಮ್ಮಪ್ಪುರ ಅವರು, “ಬ್ರಹ್ಮಾ ಕುಮಾರಿಯರ ಸೇವೆಗಳು ಶ್ಲಾಘನೀಯ. ಇಂದಿನ ಸಮಾಜಕ್ಕೆ ಆಧ್ಯಾತ್ಮಿಕ ಜ್ಞಾನ ಮತ್ತು ಧ್ಯಾನ ಅತ್ಯಂತ ಅಗತ್ಯವಾಗಿದೆ,” ಎಂದು ಹೇಳಿದರು.

ಜರ್ಮನಿಯಿಂದ ಆಗಮಿಸಿದ ಪರಿಸರ ತಜ್ಞ ಹಾಗೂ ಹಿರಿಯ ರಾಜಯೋಗಿ ಗೋಲೋ ಜೆ. ಪಿಲ್ಜ್ ಅವರು, “ ಬ್ರಹ್ಮಕುಮಾರಿಯರು ಆಧ್ಯಾತ್ಮಿಕ ಜ್ಞಾನ ಜೊತೆಗೆ ಪರಿಸರ ಸಂರಕ್ಷಣೆಯ ಕ್ಷೇತ್ರದಲ್ಲೂ ಜಾಗೃತಿ ಮೂಡಿಸಲು ಹಲವು ಅಭಿಯಾನಗಳನ್ನು ಹಮ್ಮಿಕೊಂಡಿದ್ದಾರೆ. ಜಲ ಸಂರಕ್ಷಣೆಗೆ ‘ಜನ ಜಲ್ ಅಭಿಯಾನ’, ಮಣ್ಣಿನ ಸಂರಕ್ಷಣೆಗೆ ಹಾಗೂ ನೈಸರ್ಗಿಕ ಕೃಷಿಗೆ ಉತ್ತೇಜನ ನೀಡಲು ವಿವಿಧ ಯೋಜನೆಗಳು ಕೈಗೊಂಡಿವೆ. ಭಾರತ ಮತ್ತು ಜರ್ಮನಿ ಸರ್ಕಾರಗಳ ಸಹಯೋಗದಲ್ಲಿ ಸ್ಥಾಪಿಸಲಾದ ‘ಇಂಡಿಯಾ ವನ್ ಸೌರ ತಾಪ ಶಕ್ತಿ ಘಟಕ’ ನವೀಕರಿಸಬಹುದಾದ ಶಕ್ತಿಯ ಮಾದರಿಯಾಗಿದೆ,” ಎಂದು ಹೇಳಿದರು.

ಜೈಪುರದ ಹಿರಿಯ ಪತ್ರಕರ್ತೆ ದೀಪ್ತಿ ಕೋಠಾರಿ ಅವರು ಹೇಳಿದರು: “ಸೃಷ್ಟಿ ಅಸ್ತಿತ್ವದಲ್ಲಿರುವುದು ಅಗ್ನಿ ಮತ್ತು ಸೋಮ ಎಂಬ ದ್ವಂದ್ವ ತತ್ವಗಳ ಪರಸ್ಪರ ಅವಲಂಬನೆಯಿಂದ. ಎರಡೂ ತತ್ವಗಳು ಮೂಲತಃ ಏಕವಾಗಿವೆ; ಸೃಷ್ಟಿಯು ಇವುಗಳ ಸಮನ್ವಯದಿಂದಲೇ ಸಾಧ್ಯ. ಅರ್ಧನಾರೀಶ್ವರ ತತ್ವವು ಕೂಡ ಇದೇ ಸಂದೇಶ ನೀಡುತ್ತದೆ – ಪುರುಷ ಮತ್ತು ಸ್ತ್ರೀ, ದೇಹದ ರೂಪದಲ್ಲಿ ಬೇರೆ ಆದರೆ ಆತ್ಮದ ಮಟ್ಟದಲ್ಲಿ ಒಂದೇ ಶಕ್ತಿ.”ಎಂದು ಹೇಳಿದರು.

ಸಮಾಜಮುಖಿ ಪತ್ರಿಕೋದ್ಯಮಕ್ಕಾಗಿ ರಾಜಸ್ಥಾನ್ ಪತ್ರಿಕಾ ಗುಂಪಿನ ಸಂಪಾದಕ ಗುಲಾಬ್ಕೋ ಠಾರಿ ಅವರಿಗೆ ರಾಷ್ಟ್ರ ಚೇತನ ಪ್ರಶಸ್ತಿ ಪ್ರದಾನ (ತಮ್ಮ ಪರವಾಗಿ ನಿರ್ದೇಶಕಿ ದೀಪ್ತಿ ಕೋಠಾರಿ ಸ್ವೀಕರಿಸಿದರು).

ಮಧ್ಯಪ್ರದೇಶದ ಸಾಗರ್‌ನ ನೈಸರ್ಗಿಕ ಕೃಷಿ ತರಬೇತುದಾರ ಆಕಾಶ ಚೌರಾಸಿಯಾ ಹಾಗೂ ಕೇರಳದ ಮಹಾತ್ಮಾ ಗಾಂಧಿ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಕೆ.ವಿ. ದಯಾಲ್ ಅವರಿಗೆ ಗಾರ್ಡಿಯನ್ಆ ಫ್ ಹ್ಯೂಮ್ಯಾನಿಟಿ ಅವಾರ್ಡ್ ಪ್ರದಾನ.

ಯೋಗ ಕುರಿತು ಜನಜಾಗೃತಿ ಮೂಡಿಸಿದ ಇಂಡಿಯಾ ಟಿವಿ ಚಾನೆಲ್‌ನ ಹಿರಿಯ ಆಂಕರ್ ಮೀನಾಕ್ಷಿ ಜೋಶಿ ಅವರಿಗೆ ರಾಷ್ಟ್ರ ಚೇತನ ಪ್ರಶಸ್ತಿ ಪ್ರದಾನ.

 “ಏಕತೆ ಮತ್ತು ವಿಶ್ವಾಸ — ಇವು ಸಮಾಜದ ಸುಖ-ಸಮೃದ್ಧಿಯ ಆಧಾರ. ನಿಜವಾದ ಏಕತೆ ಆಧ್ಯಾತ್ಮದಲ್ಲಿದೆ. ಧ್ಯಾನದಿಂದ ಮನಸ್ಸು ಸ್ಥಿರವಾಗುತ್ತದೆ, ಮತ್ತು ಶಾಶ್ವತ ಅಭಿವೃದ್ಧಿಗೆ ಇದು ಅಗತ್ಯ.”ಎಂದು ಮೀನಾಕ್ಷಿ ಜೋಶಿ ಅವರು ಹೇಳಿದರು. ನೇಪಾಳದ ಖ್ಯಾತ ಗಾಯಕ ಆನಂದ ಕಾರ್ಕಿ ಅವರು ಧ್ಯಾನದ ಪರಿಣಾಮವಾಗಿ ಸದಾ ಸಕಾರಾತ್ಮಕ ಚಿಂತನೆ ಇರುತ್ತದೆ ಎಂದರು ಮತ್ತು ತಮ್ಮ ಗಾಯನದಿಂದ ಪ್ರೇಕ್ಷಕರನ್ನು ಮಂತ್ರಮುಗ್ಧರನ್ನಾಗಿಸಿದರು.

ಬ್ರಹ್ಮಕುಮಾರಿಗಳ ಅತಿರಿಕ್ತ ಮಹಾಸಚಿವ ರಾಜಯೋಗಿ ಬಿ.ಕೆ. ಕರೂಣಾ ಭಾಯ್ ಹೇಳಿದರು: “ಶಾಂತಿವನದ ಅಡುಗೆಮನೆ 30 ಸಾವಿರ ಜನರ ಆಹಾರವನ್ನು ಸೌರ ಶಕ್ತಿಯಿಂದ ತಯಾರಿಸುತ್ತದೆ — ಇದು ಶಕ್ತಿ ಸಂರಕ್ಷಣೆಯ ಅಪೂರ್ವ ಮಾದರಿ.” ಬಿ.ಕೆ. ಚಕ್ರಧಾರಿ ದೀದಿ ಮತ್ತು ಬಿ.ಕೆ. ಸುದೇಶ್ ದೀದಿಯವರೂ ತಮ್ಮ ಆಲೋಚನೆ ಹಂಚಿಕೊಂಡರು.

ಸಾಂಸ್ಕೃತಿಕ ಝಲಕ್‌ಗಳು: ಅತಿಥಿಗಳಿಗೆ ಮಾಲೆ ಹಾಗೂ ಪಗಡಿ ಧರಿಸಿ ಗೌರವಿಸಲಾಯಿತು. ಉಜ್ಜಯಿನಿಯ ಮಾಳವ ಲೋಕ ಕಲಾ ಕೇಂದ್ರ, ಪುಣೆಯ ಆಕಾರ ಕಥಕ್ ಡಾನ್ಸ್ ತಂಡ ಹಾಗೂ ಆಂಧ್ರಪ್ರದೇಶದ ತಡಿ ಪತ್ರಿ ವಂದನಾ ಡಾನ್ಸ್ ಅಕಾಡೆಮಿಯ ಕಲಾವಿದರು ಸಾಂಸ್ಕೃತಿಕ ಪ್ರದರ್ಶನ ನೀಡಿ ಪ್ರೇಕ್ಷಕರ ಮನಸೆಳೆದರು. ಕಾರ್ಯಕ್ರಮವನ್ನು ಆರ್.ಜೆ. ಬಿ.ಕೆ. ಶ್ರೀನಿಧಿ ನಡೆಸಿದರು ಮತ್ತು ಧನ್ಯವಾದ ಸೂಚನೆಯನ್ನು ಪಿ.ಆರ್.ಒ. ಬಿ.ಕೆ. ಕೋಮಲ್ ಅವರು ನೀಡಿದರು.