ಭಾವಪೂರ್ಣ ಶ್ರದ್ಧಾಂಜಲಿ

 ಚಾಮರಾಜನಗರ: ಭಗವದ್ಗೀತೆಯ ಅಂಶಗಳು ಮಾನವನ ಬದುಕಿನ ಮೌಲ್ಯವನ್ನು ಸಾಕ್ಷಾತ್ಕಾರಗಳಿಸಿಕೊಳ್ಳಲು ಇರುವ ಅಮೂಲ್ಯವಾದ  ಗ್ರಂಥ ಎಂದು ಪ್ರಚಾಪಿತ ಬ್ರಹ್ಮಕುಮಾರಿ ಈಶ್ವರಿಯ ವಿಶ್ವವಿದ್ಯಾಲಯದ ಮುಖ್ಯಸ್ಥರು ಹಾಗೂ ಮನೋಬಲ ತರಬೇತುದಾರರಾದ ಬಿ ಕೆ ದಾನೇಶ್ವರಿ ರವರು ತಿಳಿಸಿದರು. 

ಅವರು ಜೈ ಹಿಂದ್ ಪ್ರತಿಷ್ಠಾನ ಮತ್ತು ಋಗ್ವೇದಿ ಯೂಥ್ ಕ್ಲಬ್ ಋಗ್ವೇದಿ  ಕುಟೀರದಲ್ಲಿ ಹಮ್ಮಿಕೊಂಡಿದ್ದ ಗೀತಾ ಜಯಂತಿ ಕಾರ್ಯಕ್ರಮದಲ್ಲಿ ಶ್ರೀಕೃಷ್ಣನ ಪ್ರತಿಮೆಗೆ ಮಾಲಾರ್ಪಣೆ ಮಾಡಿ ಮಾತನಾಡುತ್ತಾ ಭಾರತೀಯ ಸನಾತನ ಧರ್ಮದಲ್ಲಿ ಅಮೂಲ್ಯವಾದ ಶ್ರೇಷ್ಠ ಗ್ರಂಥ ಭಗವದ್ಗೀತೆ . ಡಿಸೆಂಬರ್ 1 ಭಗವದ್ಗೀತಾ ದಿನವನ್ನು ಆಚರಿಸಲಾಗುತ್ತಿದೆ. ಶ್ರೀ ಕೃಷ್ಣನ ವಾಣಿಯಾದ ಭಗವದ್ಗೀತೆ ಮಾನವನ ಬದುಕಿನ ಮೌಲ್ಯವನ್ನು ಉನ್ನತಿ ಗೊಳಿಸಿ ಶ್ರೇಷ್ಠ ಸಾಧಕರಾಗಿ ಬದುಕಲು ಸಾಧ್ಯವಿದೆ . ಭಗವದ್ಗೀತೆ ಯನ್ನು ಪ್ರತಿನಿತ್ಯ ಪಠಿಸಿದಾಗ ಎಲ್ಲಾ ಸಮಸ್ಯೆಗಳು ದೂರವಾಗುತ್ತದೆ. ಮನಸು ಶಕ್ತಿಯುತವಾಗಿ ಎಲ್ಲಾ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳುವ ಚೈತನ್ಯ ಶಕ್ತಿಯನ್ನು ನೀಡುತ್ತದೆ. ಭಗವದ್ಗೀತೆ ಮನೋಬಲದ ಶ್ರೇಷ್ಠ ಗ್ರಂಥ ಎಂದು ತಿಳಿಸಿದರು. 

ಜೈ ಹಿಂದ್  ಪ್ರತಿಷ್ಠಾನದ ಅಧ್ಯಕ್ಷರಾದ  ಸುರೇಶ್ ಎನ್ ಋಗ್ವೇದಿ ಮಾತನಾಡಿ ಗೀತಾ ಜಯಂತಿ ಇಡೀ ಜಗತ್ತಿನಲ್ಲಿ ಆಚರಿಸುತ್ತಿರುವ ದಿನವಾಗಿದೆ. ಭಗವದ್ಗೀತೆ ಇಡೀ ಜಗತ್ತಿನ ಮಾನವ ಕುಲದ ಶ್ರೇಷ್ಠ ಗ್ರಂಥ. ಪ್ರತಿ ಮಾನವನು ಜಾತಿ ಮತ ಭೇದವಿಲ್ಲದೆ ಅಧ್ಯಯನ ಮಾಡಬೇಕು. ಮಾನವ ಜನಾಂಗದ ಕಲ್ಯಾಣಕ್ಕೆ ಇರುವ ಏಕೈಕ ಗ್ರಂಥ ಭಗವದ್ಗೀತೆ . ಭಗವದ್ಗೀತೆಯ ಸಾರವು ಸಮಗ್ರ  ಮನಃಶಾಸ್ತ್ರದ ಗ್ರಂಥವಾಗಿದೆ. ಮನುಷ್ಯ ಬದುಕಲು ಮನಸ್ಸು ಬಹಳ ಮುಖ್ಯ. ಮನಸ್ಸಿನಿಂದಲೇ ಮಾನವನ ಸಮಗ್ರ ವಿಕಾಸ .   ಕೆಟ್ಟ ಆಲೋಚನೆಗಳು ಮನಸ್ಸಿನ ದುರ್ಬಲತೆಯಿಂದ ಅರಳುತ್ತವೆ. ಕೆಟ್ಟತನವನ್ನು ಹೋಗಲಾಡಿಸಿಕೊಳ್ಳಲು ಮನಸ್ಸು ಶಕ್ತಿಯುತವಾಗಲು ಭಗವದ್ಗೀತೆ ಅಂತಹ ಗ್ರಂಥ ಮುಖ್ಯವೆಂದರು  ಭಗವದ್ಗೀತೆಯ ಅಧ್ಯಯನದಿಂದ ಮನಸ್ಸು ಗಟ್ಟಿಯಾಗುತ್ತದೆ. ಭಗವದ್ಗೀತೆಯ ಪ್ರತಿ ಶಬ್ದವು ಅಮೂಲ್ಯವಾದದ್ದು ಎಂದು ತಿಳಿಸಿದರು. 

ಕಾರ್ಯಕ್ರಮದಲ್ಲಿ ಪ್ರಜಾಪಿತ ಬ್ರಹ್ಮಕುಮಾರಿ  ಈಶ್ವರಿಯ ವಿಶ್ವವಿದ್ಯಾಲಯದ ಬಿಕೆ ಆರಾಧ್ಯರವರು ಪ್ರಾಸ್ತಾವಿಕವಾಗಿ ಮಾತನಾಡಿ ಭಗವದ್ಗೀತೆ ಪಾರಾಯಣ ಇಂದು ಲಕ್ಷ ಲಕ್ಷ ಜನರು ಸಾಮೂಹಿಕವಾಗಿ ಸೇರಿ ಹೇಳುತ್ತಿದ್ದಾರೆ. ಭಗವದ್ಗೀತೆ ಅಧ್ಯಯನದಿಂದ ಮಕ್ಕಳ ಏಕಾಗ್ರತೆ ಮತ್ತು ಬುದ್ಧಿಶಕ್ತಿ ವಿಕಾಸವಾಗುವುದು ಎಂದು ತಿಳಿಸಿದರು. 

ಕಾರ್ಯಕ್ರಮದಲ್ಲಿ ಜೈ ಹಿಂದ್ ಪ್ರತಿಷ್ಠಾನದ ಕುಸುಮ, ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರಿ ವಿಶ್ವವಿದ್ಯಾಲಯದ ನಾಗರಾಜು , ಶ್ರಾವ್ಯ ಋಗ್ವೇದಿ, ಆಶಾ, ಪೂಜಾ,  ವಿಜಯ, ಸುಂದರ್ ಇದ್ದರು.